USAFIRISHAJI WATOTO WA MAGENDO WAONGEZEKA

Thuluthi moja ya wahanga wa biashara ya kusafirisha binaadamu kwa magendo ni watoto na idadi yao kwa jumla imekuwa ikizidi kuongezeka.Ripoti iliyotolewa leo hii na Shirika la Umoja wa Mataifa linaloshughulikia Madawa ya Kulevya na Uhalifu (UNODC) na kuhusisha kipindi cha mwaka 2010 hadi 2012 imekadiria kwamba wahanga wote wa biashara ya kusafirisha binaadamu waliogundulika walikuwa na umri mdogo. Kiwango hicho ni asilimia tano zaidi kuliko ilivyokuwa kati ya mwaka 2007 na 2010.  Tatizo hilo ni sugu zaidi barani Afrika na Mashariki ya Kati ambapo wengi wa watu wanaosafirishwa kwa magendo ni wavulana na wasichana, ingawa kwa ujumla uhalifu huo hufanyika dunia nzima. Shirika hilo la UNODC limekusanya taarifa kutoka takribani mataifa 152 ambako wahanga wamelazimishwa kuingia kwenye kazi za ngono, vibaruwa vigumu na shughuli nyenginezo. Wanaofanya biashara hiyo ya kusafirisha binaadamu mara nyingi huwaandama wanawake na wasichana.
CHANZO DW.