Goodluck Jonathan
Rais wa Nigeria, Goodluck Jonathan
amesema ana matumaini kwamba katika muda wa mwezi mmoja kundi la
wapiganaji wa kiislamu Boko Haram halitodhibiti sehemu yoyote.
Wanamgambo
hao waliokiri ushirikiano na kundi la Islamic State liliziteka sehemu
kubwa ya eneo la kaskazini mashriki mwa Nigeria.Lakini operesheni ya kieneo imesadia serikali kudhibiti miji na vijiji kadhaa.
Rais Jonathan anayewania kuchaguliwa tena katika siku nane zijazo ametetea jitihada zake za kukabiliana na ukosefu wa usalama na amesema anaamini atashinda katika uchaguzi huo.
Kiongozi huyo amesema Boko Haram linazidi kuwa dhaifu na litasamabaratishwa.
Ameeleza kwamba silaha mpya ilizopata nchi hihyo pamoja na ushirikiano na nchi jirani zimesaidia kuwasukuma wanamgambo hao nje ya miji na vijiji.
Alipoulizwa ni wapi walikokimbilia, alieleza kwamba wakati wengi wamemiminika katika mipaka ya nchi hiyo, anadhani wengine wamekimbilia katika msitu wa Sambisa ulio ngome yao kaskazini mashariki mwa Nigeria.
chanzo bbc.
Hakuna maoni:
Chapisha Maoni